رئيس #كوريا_الشمالية سيحكم #العراق لثلاثة أشهر فقط!!

جلال چرمگا

الله بالخير يا جماعة...

الخبر نزل مثل الصاعقة على رؤس حرامية المنطقة الخضراء (كلهم شلع) نعني الرئاسات الثلاث وحتى الموظفين الصغار.. تعرفون ليش؟!

 

يگولك هذا الشاب (كيم جون أون) اللي راح يجي يحكمنا من موقع أدنى ولمدة ثلاثة أشهر قابل للتجديد ، ما يتفاهم مطلقاً.. إيده والمسدس ،ما يعرف أبو، ومايتساهل ويا الحرامية أبدا .. يمشي ووراه مجموعة جنرالات واحدهم أكبر من جده وشايلين حگة ونص أوسمة ونياشين وأنواط ودگم وشارات وغيرها.. وليغاد مجموعة شباب يحملون أنواع الأسلحة من السچين الى المدافع اللي تنحمل عالكتف!!.

بس شاف غلطة من احد المسؤولين..رأساً!! أشَّر براسه وگال:

انشو بهو ري نووووم .. نعني بالعربي اعلسوا فورا..

والحرس رأساً!!.. منومنميم تر.. أمرك سيدي القائد..

بهاي.. بهاي.. وعيونكم ماشافت ، هاا نسيت بالمناسبة هو قبل ما يباشر ،المخابرات الكورية زودت سيادته بتفاصيل مملة عن الحرامية اللي يحكمون العراق منذ 2003 .. أكيد!! لعد شلون؟؟ وهو أصلا لويش جاي؟؟ قابل جاي يگشر بصل؟؟ غير حتى يصفيهم واحد واحد!!

يا هلا وجثير الهلا بالرفيق القائد الوسيم الكبير العظيم (كيم جون أون ) دام ظلكم الوارف وكل خطوة الف هلا من كوريا الشمالية الى أرض الرافدين... عاد كم خطوة عندكم الحساب!!.

+رفيقي بيمن نبدأ والعقوبة لوسمحت جنابك؟؟

- جيبولي هذا اللي اسمه السوداني وزير التجارة.

+تقصدون عبد الفلاح السوداني.. هذا ديصلي.. ننتظر؟؟.

- أنشو بهو ري نوووم .. معقولة هيج مخلوق يصلي؟؟ وشيگول الربه ؟؟؟

+يگول جيبوا.. بسرعة .. هاا.. اجه شنو عقوبته؟؟

- ادفنوا في حاوية مليانة زيت ساخن فاسد من اللي استورده للشعب العراقي المسكين  وخلوا راسه أولا ورجليه ليفوك ولمدة نصف ساعة ..بعدين طلعوا.. اذا مامات افراج ..هذه العقوبة كافية ماكو أكثر.

+رفيقي هذا أول دقيقتين ينطيك عمره..

- الى جهنم..

+ منو اللي ورا رفيقي؟؟

- جيبوا لي أبو الداخلية صاحب دكان الخضراوات في الدنمارك (عدنان الأسدي) اللى استورد أجهزة كشف المتفجرات والدروع ضد الرصاص وسرق مليار دولار من الشعب ..

+ وشنو عقوبته؟؟

- لبسوا درع واقي من اللي أستورده.. واضربوا بمدفع 106 ملم.. اذا ما مات اتركوا ..

+ رفيقي هذا راح يصير 100 وصلة..

- الى جهنم..

+ بعد منو؟؟

- جيبولي وزيري النقل ..

+ تقصدون العامري وصولاغ ؟؟

- بسرعة.. هو أكو غيرهم؟؟

+ عقوبتهم رفيق؟؟

- شدوهم ورا طيارة مالة الخطوط الجوية العراقية.. خلي الطيارة أتطير لمسافة 20 كيلومتر.. وتهبط بالمطار..اذا عاشوا أتركوهم..

+ رفيقي راح ويصيرون كفتة.. الطيارة تسحلهم عالمدرج.. وتطير.. وتنزل.. لا الاخوة انتهوا ورب الكعبة.. ومنو اللي وراهم؟؟

-جيبولي صابر العيساوي والوسيم عبعوب ابو الصخرة..

+ عقوبتهم؟؟

- هذولي والمدراء العامين الحرامية أدفنوهم بأقرب سبتي تنك (بالوعة) وأغلقوا عليهم القبغ ..

+ لاء هذي مو خوش موته!!..وبعد منو؟؟

- جيبولي وزراء الكهرباء.. سلطوا عليهم ضغط عالي يعني آلآف الواطات لمدة ساعة الى أن يغدون فحم ولا ترموهم نستعملهم للشوي!!

+ واللي بعدهم؟؟

- جيبولي صالح المطلگ..

+ عقوبته رفيق؟؟

- شلعوا كل سنونه (لأنه طول عمره ماغاسل سنونه وبالتالي باك فلوس النازحين).. وحطوا گدامة نص گونية جوز لازم يكسرهن خلال خمس دقائق.. واذا ما گدرشلعوا عيونه!!

+راحن عيونك يا صالح.. عقوبة قاسية..

+ واللي بعده؟؟

- المالكي ونواب العبادي اللى طردهم قبل فترة..

+عقوبتهم رفيقي؟؟

- ما نكتلهم.. ننطيهم كل واحد رشاشة ونتركهم يتوجهون للموصل لتحريرها!.. وأكيد نعلن للمجرمين الدواعش بأن الجماعة بالطريق اليكم.. عاد هم وشجاعتهم..اذا حرروا الموصل نعفيهم..!! واذا لا يتحاسبون ويا الجهة الأخرى..اقصد الدواعش..وهذه أخف عقوبة!!.

بالتأكيد ومن غير سين  جيم مايصلون ديلتاوا (الخالص) ينتهون.

طبعا الرفيق يأمر وفرقة الأعدامات والتنفيذ بصوت جهوري واحد:

منو منيم تررر .. خلال دقائق العقوبة تنفذت وراحوا بالرجلين..

+واللي بعدهم رفيق؟؟

- جيبولي حنونة الفتلاوي وعالية نصيف ..

+العقوبة؟؟

- گصوا السنتهن بالمگص واتركوهن خطية لأنهن نسوان!!!

+ واللي بعدهن؟؟

- جيبولي عباس البياتي ..

+العقوبة ؟؟

- حطوا بفوهة مدفع عملاق وأطلقوا باتجاه أمرلي وسليمان بيك.. وهناك راح تستقبله فرقة التأديب (هذا اذامامات بالطريق اثناء القذف!!) راح يستلموا الجماعة ويحطوا نيشان بميدان الرمي.. هذا ناكر جميل ناسي حتى قوميته.. لوگي خمس نجوم يريد يستنسخ سيده نوري المالكي!!.

+اللي بعده سيدي؟؟

- جيبولي بهاء الأعرجي

+ سيدي هذا راح للموصل ويا المالكي والجماعة..

- اوكي جيبولي مها الدوري

+ العقوبة؟؟

- خنگوهه بعباءتها.. لاتنطوها مجال هذه ثرثارة وتوجع راسي!!

+واللي بعدها؟؟

- جيبولي هذا اللي يگلون عنه القاضي.. قصدي (محمود الحسن زوج بنت خالد العطية) هذا أفترى على كتابكم (القرآن) ومايفرق بين قول لابن خلدون وآية قرآنية ..

+والعقوبة؟؟

- علگوا بباب المحكمة الاتحادية لمدة شهر من غير أكل ومي.. وبعدين نزلوا اذا كان بعده عايش افرجوا عنه!!

+ واللي بعده؟؟

- جيبولي الشهرستاني.. شنو هذا عراقي؟؟.. اسمه غريب!!

+ رفيقي بالعراق ماكو عائلة بهذا الإسم.. شنسوي؟؟؟.. شنو العقوبة؟؟

- هذا كذاب.. گال راح نصدر الكهرباء..وبعدين خرب المؤسسات التعليمية.. علگوا بساحة التحرير الى حين ظهور المهدي المنتظر، وبعدين أطلقوا سراحه!!

+أمرك.. واللي بعده؟؟

- جيبولي القصخون اللي فشل بالتربية وخرَّب المؤسسة التربوية بالكامل ورقوا وعينوا رئيس جمهورية بالوكالة خضير الخزاعي..

+عقوبته؟؟.

- حطوا بفرن عراقي (تنور) وجيبوا كل الدولارات اللي سرقها بحدود 100 مليون.. خلوا هالدولارات فوگ راسا وأشعلوا النار بالفرن وخلوا باقي نص ساعة اذا كان بعده عايش اتركوه يرجع الى شغلته الأساسية قصخون..

+رفيق هذا يگول ماسارق غير 90 مليون دولار!!........اللي بعده؟؟

- ما أريد كلام زايد التسعين أخو المية  ...

جيبولي وزراء الدفاع من أول وزير (حازم الشعلان) الى الأخير..

+عقوبتهم؟؟

- عقوبة عسكرية رمي بقاذفات آر بي جي ١٥ في ميدان الرمي بمنطقة بسماية ..

بعد هذه الجهود لابد للرفيق أن يرتاح شوية، نصحوه الجنرالات بالتوجه الى ساحة التحرير لكون هناك آلآف من العراقيين بانتظاره وهم يهتفون بحياته ويثمنون جهوده في القضاء على الفساد والفاسدين.

وصل الرفيق الى ساحة التحرير وآلاف الحناجر تهتف من كل موزاييك الشعب العراقي منهم من يحمل مسحاة ومنهم منجل وچاكوچ ومگوار وسيف وخنجر وسنابل قمح.. الخ

وهنا ارتفع صوت أحد الأخوة عرفناه من عگاله انه من الجنوب وگام ينشد ويوجه كلامه للرفيق القائد (دام ظله الوارف):

كـيم جـون الـبـَـطـَـل لـلـمـَجـِـد هالعـنـوان

مـيـزان الـشـَـرَف يـاعـِـزَّة الأوطـان

يـالإسـمـَـك عـَـلـَـم يـافـَـخـَـر كـل إنـسـان

هـا احـرار الـعـالـَـم هـا.......

كـلـْـنـَـا الـيـوم انـْـصيـح انـّـادي....

هـذا الـعـالـَـم كـلـَّـه امـهـَـدَّم، إگـعـد (جـون) وعـَـمـّـر بـيـه

هـذا الـعـالـَـم كـلـَّـه مـهـَـدَّم ، إگـعـد (جـون ) وعـَـمـّـر بـيـه

وحق أبوخيمة الزرگة حتى لو يظهر الشيطان ويستلم السلطة وهو قوي نهوسلة ونهزلة رگبة وچتاف.. وها خوتي ها:

بسمارچ منچ يا لوحة ... بسمارچ منچ يا لوحة

يبقى الرفيق في العراق لتصفية بقية الحرامية

أودعناكم عيوني....

 

نشر المقال هنا